Guest
Сэтинньи 30 күнүгэр Нам нэһилиэгэр өрөспүүбүлүкэҕэ ыытыллар “Олоҥхо- 2024“дэкээдэтин чэрчитинэн “Дьулуруйар Ньургун Боотур“ олоҥхоҕо олоҕуран “Олоҥхо дойдутунан айан“ квест-оонньуу буолан ааста. Тэрээһин олоҥхоҕо олоҕуран инсценировканнан саҕаланна. Тэрээһин иккис түһүмэҕэр П.Н.Тобуруокап аат. Нам орто оскуолатын коллектива уонна “Кэнчээри“ оҕо уһуйаанын коллектива биэстии киһилээх хамаанда туруоран үс дойду устун (Орто, Үөһээ, Аллараа) айаннаан, сорудахтары толорон түмүккэ Аллараа дойдуттан Туйаарыма Куону уонна Үрүҥ Уоланы быыһаатылар. Күрэх түмүгүнэн “Кэнчээри“ оҕо уһуйаанын коллектива кыайыылаах хамаанда үрдүк ааты ылла. Олоҥхо-квест Платонова Мария Николаевна уонна Саввинова Уруйдаана Юрьевна иитиэхтээн сылдьыбыт идиэйэлэринэн, Намнааҕы сынньалаҥ тэрилтэтин көмөтүнэн оҥоһулунна. Бары инсценировка, оонньуу кыттааччыларыгар барҕа махталбытын тиэрдэбит!
