Guest
Чысыл горæтты æмæ хъæуты нæ фаг кæнынц ахуыргæнджытæ, дохтыртæ æмæ культурæйы къабазы кусджытæ. Æмæ кæд ныронг ахæм программæтæ, куыд “Хъæууон ахуыргæнæг“ æмæ “Хъæууон дохтыр“ куыстой, уæд ма сыл ацы азы бафтыд “Культурæйы хъæууон кусæг“. Ацы хабæртты тыххæй ныхас кодтам нæ студийы. Нæ равдысты дыккаг хайы та дзырдтам, Рахизфарсы районы Беслæны цæрджыты æнæхицау фосы сæрмагонд бынатмæ тæрын æмæ сæ уым дарын куы сфæнд кодтой, уыцы хабæртты тыххæй. Цы хатдзæгтæм æрцыдысты, уый нын радзырдта районы администрацийы бæрнон минæвар. Уæдæ нæм æнтыстджынæй кусын райдыдтой этникон фестиваль “Рон“, стæй фæсивæдон лагерь “Фидæн“ дæр. Уыдоныл дæр бæлвырдæй ныхас кодтам нæ уазджытимæ.
