Guest
Илјадници деца во земјава питачат наместо да одат на училиште Светскиот ден на децата затекнува илјадници деца по улиците во сите градови во државата како молат за милостина. Некои се придружувани од нивните родители, други се сами, но речиси на сите им е скратено правото на образование и се злоупотребуваат за одредени интереси. Има и деца кои живеат со родителите, го следат воспитно-образовниот процес, но се принудени во дел од денот да питачат. Advertisements Од Детската амбасада „Меѓаши“ велат дека неофицијално бројот на деца питачи кај нас достигнува 2 илјади. Народниот адвокат Насер Зибери вели дека истражувањето на оваа појава е тешка бидејќи надлежните институции немаат точен број на ваквите деца. Според него, официјалниот број е 71 дете, но тоа е далеку од реалноста. „Во втората фаза од истражувањето ќе направиме и анализа за децата кои не само што се сместени во центрите за згрижување, туку и на други деца кои живеат во семејства и се злоупотребуваат, а според неофицијални информации оваа бројка е многу поголема од бројот на деца кои се сместени и кои се под грижа на државата“, рече Насер Зибери, Народен адвокат. На Меѓународниот ден на детето, Светската организација УНИЦЕФ, Владата и Фудбалската федерација испратија пораки за детска здравствена заштита, квалитетен образовен процес за секое дете и нивна недискриминација./ Ајнур Бафќари
