Guest
Uşaqlarını xəstə təfəkkürlə böyüdən Ermənistan - Baku TV Azərbaycana qarşı hərbi əməliyyatlarda və təxribatlarda dəfələrlə uşaqlardan istifadə edən Ermənistan bu gün də onları işğalçılıq, digər millətlərə qarşı dözümsüzlük ruhunda tərbiyə edir. Bu mənada Ermənistanda 11-ci sinif şagirdləri üçün hərbi idman düşərgələri adlı pilot proqramının başlaması uşaq hüquqları ilə bağlı beynəlxalq konvensiya və normaların pozulmasını sübuta yetirir. Sözügedən məsələ ilə bağlı Azərbaycanın Ombudsman Aparatından bildirilib ki, belə təlimlər uşaqlarda işğalçılıq, nifrət və digər millətlərə qarşı dözümsüzlük hissləri formalaşdırır. Ekspertlərin qənaətinə görə, uşaqların silahlı qüvvələr və digər silahlı dəstələr sırasında xidmətə cəlb olunması, eləcə də hərbi münaqişələrdə iştirak imkanlarının nəzərdə tutulduğu proqramlar beynəlxalq hüquqa ziddir. Bu həm də onu göstərir ki, heç bir beynəlxalq hüquq normalarına əməl etməyən Ermənistan revanşist ideyalarından əl çəkmək niyyətində deyil. Sadalananlardan aydın olur ki, Ermən
