Guest
Алег Калінкоў жыве ў Гродне і працуе ў таварыстве абароны правоў спажыўцоў. У працоўны час гэта звычайны чалавек сярэдняга ўзросту, з амаль сівой галавой. Але пасля працы Алег, як супергерой з сусвету Marvel, выходзіць на змаганне са злом. Свой асабісты час — да 8 гадзін за дзень — Алег прысвячае пошуку наркагандляроў і камунікацыі з імі. Гродзенец называе іх проста — барыгі. Калінкоў даводзіць размову аб набыцці наркотыкаў да этапу здзелкі, атрымлівае максімальную колькасць звестак пра дылера, і здае іх у міліцыю. Так бацька помсціць “барыгам” за сына, асуджанага па “наркатычным” артыкуле 328. Як наркадылеры “рэкрутуюць” падлеткаў, як вылічыць наркадылера і ўцерціся да яго ў давер, ці прыносіць яго праца плён, што не так з антынаркатычным заканадаўствам у Беларусі?
