Guest
Стужка расказвае пра падзеі ў Расіі і Грузіі падчас узброенага канфлікту ў Паўднёвай Асеціі ў жніўні 2008 года. Як адзначыў Хашчавацкі перад пачаткам прагляду, ідэя фільма паўстала ў яго падчас сустрэчы з сябрамі ў Вільні. “Мы тады абмяркоўвалі гэты канфлікт, і я заўважыў, што мне цікава было б пазнаць, што адбываецца ў гэты час у Расіі. Аднак сябры прапанавалі мне паляцець у Грузію, і я гэта зрабіў“, - сказаў рэжысёр. Па яго словах, гэты фільм “не зусім пра вайну“. “Ён таксама пра тое, што адбывалася ў Расіі на фоне гэтай вайны. Праводзяцца паралелі з падзеямі ў Тбілісі ў 1989 годзе, у Беларусі ў 1988-м і ў Маскве ў 1991-м“, - адзначыў Хашчавацкі.
