Guest
Жылдың басы белсенді саяси оқиғалармен айшықталып жатыр. Өйтіп бүйтіп сайлау өтті. Жаңа партиялар келмесе де, анау айтқандай түбегейлі өзгерістер болмаса да мәжілістегі үш фракцияның өзі қайта түлеп келді деп жатыр сарапшылар. Жеңіске жеткен Нұр Отан, аз-кем мандат алған Ақжол мен Халықтық партия және Ассамблеяның 9 депутаты ант берді осы аптада. Бергенде қалай берді? Мәжіліс қабырғасын алғаш аттағандықтан ба, әйтеуір көбісі тосылды, сөзден жаңылды, тіпті тіл де сындырды. 7-ші шақырылымдағы мәжіліс алтыншысынан айрықша болады деп әуелде бал ашқан еді білетіндер. Себебі бұл жолы әйелдер мен жастар келеді деп күтілді. Билік партиясының өзі былтыр өз ішінен іріктеу жасап, праймериз арқылы жаңарып, жасарады деп аңдатпа жасалды. Қоғамдағы өзекті түйткілдердің тамырын басып жүргендерге парламенттің есігі ашылады делінді. Сонымен жаңа сайланған мәжіліске кімдер келді, халық не күтеді? #1tvkz #смотримвместе #бастыбағдарлама #Қазақстан
