Guest
Шаруалардың басына төнген шырғалаң туралы өткен аптада айтып өткен едік. Осы апта тағы да тоқталуымызға тура келіп тұр. Өйткені, мәселе анау айтқандай ат үсті қарайтындай емес, бүгін шешпесек, ертең аш қаламыз. Отандық фермерлер осылай деп дабыл қағуда. Айтуларынша карантин аяққа тұсау болып, біраз шаруаны тоқтатып тастады. Әрине, төтенше жағдайды тілеп алғанымыз жоқ. Алайда, фермерлердің сөзіне сенсек кей қиындықты билік орындары қолдан туындатып отыр. Карантин бекеттерінде бұрын-соңды танып-біліп көрмеген құжаттарды сұратып әлек салып жатыр екен. Амалы құрыған фермерлер президентке бейнеүндеу жолдады. Онсыз да қысылтаяң шақта қылбырауды қыса түсуге не түрткі болып отыр. Қандайда бір астар мен мүдде жатуы мүмкін бе? #1tvkz #смотримвместе #бастыбағдарлама #Қазақстан
