Guest
Дзæуджыхъæуы Чырыстон гимназы арæзт æрцыд Колыты Аксойы номарæн мадзал. Ахуырдзаутæ бацæттæ кодтой хъæздыг программæ: бакастысты æмдзæвгæтæ, радзырдтой зындгонд ирон рухстауæг æмæ поэты царды тыххæй, йæ биографийы цымыдисаг æмæ æнæзонгæ цауты тыххæй. Уымæй уæлдай ма фæсивæд бацæттæ кодтой Колыты Аксойы царвæндаджы тыххæй мультипликацион киноныв. Пластилинæй сарæзтой фигурæтæ æмæ афтæмæй скодтой нывтæ. Авторон текст та ныффыста ахуыргæнæндоны педагог Яна Лущик. Скъолайы разамынд куыд фæнысан кодта, афтæмæй ахæм мадзæлтты ахадындзинад стыр у. Сæйрагдæр у, цæмæй сывæллæттæ зоной æмæ хъуыды кæной ахæм хъуыстгонд адæмы.
