Guest
Ғәлимә Тимерғазина үҙенә илһам сығанағы булып торған Ҡырмыҫҡалы районы Ҡарлыман ауылында ат йылында Һыуғояр йондоҙлоғо аҫтында тыуған. Үҙенең сослоғо, зирәклеге арҡаһында 1-се синыфтан Өфөнөң 1-се интернатында (Рәми Ғарипов исемендәге республика башҡорт гимназияһы) белем алып, Салауат педагогия училищеһын, Стәрлетамаҡ педагогия институтының филология факультетын тамамлай. Стәрлетамаҡ районында балалар баҡсаһы булдырыуға өлгәшә. Аҙаҡ мәктәптә балалар уҡыта, завуч, директор вазифаларын башҡара. 1988 йыл аҙағында оло улдары ауырып китеү сәбәпле, Ҡырмыҫҡалыға ҡайтып төпләнергә тура килә. 7 ай тыуған ауылына йөрөп уҡытҡандан һуң, район үҙәгендә балалар баҡсаһы аса, һуңынан балалар йорто ойоштора һәм унда 10 йыл директор булып эшләй. “Ҡайҙа ғына уҡып, ҡайҙа эшләп йөрөһәм дә, һәр ваҡыт күңелем тулы шиғыр булды. Иншаларҙы ла хатта шиғыр юлдары менән яҙып ҡуя торғайным. Стәрлелә “Шоңҡар” ижади түңәрәгенә лә бик ихлас, теләк менән йөрөнөм. Район гәзите биттәрендә шиғырҙарым әленән әле баҫылып тора. Байтаҡ исемдәр ҙә ал
