Guest
Герой фільма – Алесь Лось, чалавек-аркестр, музыка-самавук з прафесійнай мастацкай адукацыяй, этнограф, майстар рэстаўрацыі і вырабу народных інструментаў. Яго хутар “Барок” у Валожынскім раёне добра вядомы ў беларускім культурніцкім асяроддзі. Фільм выхоплівае адзін з эпізодаў жыцця сядзібы, творчай працы музыкі – стварэнне і пастаноўка оперы “Паўночныя Афіны”, дзе аўтар сцвярджае сувязь беларускай культуры з грэчаскай міфалогіяй. А таксама адлюстроўвае шматграннасць і адметнасць героя як захавальніка беларускіх народных традыцый, што яскрава пацвярджае унікальны музычны інтрумент, створаны рукамі майстра – пастуховая труба, якая сваім гукам яднае прастору і час. Аўтар сцэнарыя, рэжысёр і аператар Юрый Цімафееў. Все права принадлежат Национальной киностудии “Беларусьфильм“ ©2022 #беларусьфильм
