Guest
Җомга көне үтеп тә китте... Инде гадәт булып киткән - эштә бәйрәм өстәле әзерләп, хезмәткәрләрем белән чәй эчү бүген дә матур гына узды. ⠀ Тәмле ризык әзерләү хатын-кызның фитрасында бардыр инде ул. Монда бер хикмәт бар – аш-су әзерләүгә мәхәббәт булсын өчен, аңа аерым бер караш булырга тиеш. Ислам динендә сыман – авырайтмагыз. Тәмле ризыклар пешерү бер дә катлаулы түгел ул. Серләрен генә белергә кирәк. ⠀ Шулар турында гаиләм белән уйланып утырганда, инде күптәннән бер теләк туган иде. Хәзер, тәртипләп сөйлим) ⠀ 1. Соңгы берничә ай буена шимбә-якшәмбе көннәрен Остазларда аш-суга багышладык. Сезгә бу ошый сыман? Дөресме? Кулланасызмы? Алдагы язмаларда да дәвам итикме? Бәлки ниндидер төгәл ризыкның рецептын күрәсегез киләдер? ⠀ 2. Рецепт төзегән вакытта күп әйбернең җиңелрәк ысулын табырга тырышам. Күләмнәрне язганда да – кулланышта булган кашык, стакан белән саныйм. Уңайлымы бу? Бәлки граммнап язасыдыр? Үзем мәктәп елларында кулланган китапларда граммнар белән язылган иде. Ул заманда бигрәк тә уңайсыз иде ул.
