Хурзукда Джурт къабырла.

Хурзукда джерден чыкъгъан тюкден эсе, таш кёбдю- деб айтыучан эдиле ата бабаларыбыз… Ата Джуртну теренинде ол ташла тарихни джазылгъанына шагъатдыла, ала келтюрмеген да не къалгъанды. Бир-бир ташла юйню къабыргъаларын кёлтюрюб тургъандыла, бирсилери хуна болуб малдан биченликни, бачханы сакълагьандыла; меджисууланы заманында обагьа тизилгендиле; тыбыр ташла отджагъада къызыу отдан «тарс» деб атылгьандыла, неда оту кёмюлюб къап-къара къаралгъандыла; беджен этилиб, кёпюрлени кёлтюрюб тургьан да ташла болгъандыла. Бюгюнлюкде уа Хурзукда, Джурт тийреде ол ташланы джартысы къымсыз джатадыла къаланыб, былайда ёмюрлюкге орналгъан эски къабырлагъа хуналыкъ этиб. Элни кёб ёмюрлю джашауун а хунаны ичинде къабыр ташладан ёзге киши билмейди: ала хар тёлюде джашаб кетген адамланы къолларына тийгендиле, ёксюз кьалыб, аланы джылыуларын кеслеринде бюгюн да сакълайдыла адамларын джокълагъанча элни башындан къараб. Бюгюн джыйылгъандыла былайгъа адамлары да , республиканы бютеу джерлеринден келгендиле джокъларгъа, къараргъа, таныргъа , джыяргъа . Аланы былайгъа чакъыргъан « Къарачай Алан Халкъ» деген джамагъат бирлешлик.