Guest
Ассалому алайкум, азиз дўстлар! “Регистон” маданий-маърифий, диний каналимизга хуш келибсиз! Канал ижодкорлари сиз азизлар ҳукмингизга ҳартомонлама фойдали ва қизиқарли дастурларни тақдим этади. “Регистон” Ўзбекистон туб халқларининг бой тарихи, юксак маданияти ва диний қадриятларига таянган ҳолда халқимизга фақат яхшиликни тарғиб қилади. Илм-маърифат тарқатади. Оила ва жамиятда комил мусулмон шахсиятини шакллантиришга қўлидан келганича ҳисса қўшади. Халқимиз орасида меҳр-мурувват, эзгулик, ҳалоллик, тўғрисўзлик, бировнинг ҳақидан қўрқиш, адолат, ор-номус, матонат каби кўплаб асл инсоний хислатларни мустаҳкамлаш, қон-қонимизга сингиб кетган юртга муҳаббат, ота-онани эъзозлаш ва эътиқодни муқаддас билиш туйғуларини тарбиялаш йўлида хизмат қилади. Каналимиз эшиттириш ва кўрсатувлари юртимизда ва ундан ташқарида яшаётган барча ватандошларга мўлжалланган бўлиб, мафкураси мўътадил, нияти холисдир.
