Guest
№21/4 Дерсыр: 73-75 пычыгъуэхэм я шэрхь. [73]-“КъигъэщIауэ хъуар зэхуэсрэ Аллаху Тэгьалам къэхъуну абы иритха гуэр къамыгъэхъуну яужь ихьами – яхузэфIэкIынутэкъым. КъигъэщIауэ хъуар зэхуэсрэ Аллаху Тэгьалам абы иримытха гуэр къагъэхъуну яужь ихьами – яхузэфIэкIынутэкъым. Къемэт махуэр къэсыхукIэ къэхъунур ятхри гъущыжащ“. [74]-“ЦIыхум блэкIар къытехуэнутэкъым, къытехуар блэкIынутэкъым“. [75]-“ЦIыхуми ищIэн хуейщ Алыхьым и щIэныгъэр къигъэщIауэ хъуам къадэхъунум ипэ зэрищар, ар къызэрыхъуну щIыкIэри быдэу зэгъэпэщауэ зэриухар, ар зыкъутэжыни, (абы) унафэ тезыщIэжыни, тезыгъэкIыжыни, зыхъуэжыни,зыблэзыдзыни, хэзыгъэщIыни, хэзыгъэхъуэни - уафэхэми, щIылъэми къигъэщIам зэрахэмытыр“.
