Guest
Şuşadakı konfrans Vaşinqtonda Azərbaycan və Ermənistan xarici işlər nazirləri arasında görüş baş tutduğu bir vaxtda keçirilirdi. Prezident İlham Əliyevin deyəcəkləri bu baxımdan daha çox maraq kəsb edirdi. Dövlət başçısı elə ilk suala cavabında mühüm mesaj verdi: Ermənistan sülh istəmirsə, sülh olmayacaq. Problem yaşadığımız digər qonşumuz İranla bağlı isə dövlət başçısı ilk dəfə idi ki, bu qədər açıq danışdı və münasibətlərin normallaşması üçün tələblərimizi irəli sürdü. 4 gün ərzində Azərbaycan Prezidentinin dediklərinə cavab tapa bilməyən İran rəsmilərinin yeganə çıxış yolu isə növbəti diplomatik qalmaqala əl atmaq oldu. Bizə başıbəlalı qonşular bəxş edən həyat yaxşı ki, digər qonşumuz sarıdan üzümüzə gülüb. Tarixi seçkiyə hazırlaşan qardaş Türkiyə ilə bağlı gələcək münasibətlər indi hər kəsi maraqlandıran məsələlərdəndir. Prezident İlham Əliyev nikbinliklə bildirir ki, bu münasibətlərin qardaşlıq xarakterini heç nə dəyişməyəcək. Azərbaycan Prezidentinin bütün bu dediklərindən sonra Ermənistan, İran və Türkiyə ilə münasibətlərdə bizi nə gözləyir? İlahə Azakovanın süjetində təhlil edirik. #itv #ictimaitv #video #televiziya #baku #videolar #sondeqiqe #sondəqiqə #sondakika #haber #haberler #video #gündem #news #kefşet
