Guest
Ці будзе мяняцца знешняя палітыка Украіны і ў якім кірунку, пакуль невядома — новаабраны прэзідэнт Уладзімір Зяленскі да гэтага часу не агучыў сваю праграму. Адпаведна, невядома, ці чакаць нейкіх зменаў у адносінах паміж Кіевам і Мінскам. Якія, на думку ўкраінскага боку, сёння галоўныя кірункі супрацоўніцтва Беларусі і Украіны? Ці стане прэзідэнцкая кампанія Уладзіміра Зяленскага каталізатарам зменаў у краінах-суседзях? Як на адносіны Беларусі і Украіны ўплывае “расійскі фактар”? Ці будзе новае кіраўніцтва Украіны выконваць дамовы і пагадненні, падпісаныя з Беларуссю Пятром Парашэнкам? Ці чакаць паглыблення адносін паміж нашымі краінамі ў галіне бяспекі? На гэтыя ды іншыя пытанні ў жывым эфіры Еўрарадыё адкажуць дырэктар украінскага Інстытута сусветнай палітыкі Яўген Магда і кіраўнік савета знешняй палітыкі “Украінская прызма”, кіраўнік грамадскай рады пры МЗС Украіны Генадзь Максак. Слухайце размову з Яўгенам Магдам і Генадзем Максакам у 13:05 пасля выпуску навін.
