Guest
🎯 Загружено автоматически через бота: 🚫 Оригинал видео: 📺 Данное видео принадлежит каналу «Национальное телевидение Чувашии» (@ntrk21). Оно представлено в нашем сообществе исключительно в информационных, научных, образовательных или культурных целях. Наше сообщество не утверждает никаких прав на данное видео. Пожалуйста, поддержите автора, посетив его оригинальный канал. ✉️ Если у вас есть претензии к авторским правам на данное видео, пожалуйста, свяжитесь с нами по почте support@, и мы немедленно удалим его. 📃 Оригинальное описание: Сцена çинче – акăш евĕр, пурнăçра – патвар та чăтăмлă. Паян пĕтĕм тĕнчипех балет кунне паллă тăваççĕ. Уяв тĕлĕнче çак ÿнер тĕсĕнче чун илемне тупнă артистсен ĕçĕ-хĕлĕпе тата сцена хыçĕнчи вăрттăнлăхсемпе паллашма пирĕн пултарулăх ушкăнĕ Чăваш патшалăх оперăпа балет театрне çитрĕ. Чăваш Енре балет историйĕ 1957-мĕш çултах йĕркеленме пуçланă. Шăпах ун чухне республикăн тĕрлĕ кĕтесĕнчи ачасене суйласа илсе Ленинграда хореографи училищине вĕренме янă. Çирĕп сывлăхлă та тĕрлĕ йывăр хускану тума пултаракан хастарсен йышĕнче 11 çулти Юрий Свинцов та пулнă. ЮРИЙ СВИНЦОВ: «Унччен эпĕ балет сăмахне те илтмен – телевизорсем пулман, радиопа каламан. Ĕçĕ нумай пулнă. Эпир оперăсенче, опереттăсенче те, балетсенче те, ялти гастрольсем те кайран пуçланса кайрĕç. Чăваш балетне Хусанра та, Мурмăнскра та, Грозныйĕнче те питĕ лайăх йышăнатчĕç. Пире питĕ кăмăллă пулнă». 1967-мĕш çулта «Жизель» ятпа Чăваш Енре пĕрремĕш балет спектаклĕ куракан умне тухать. Пĕчĕк утăмран пуçланнă ӳнер çулран çул аталанса пынă. Паянхи кун та вăл çĕнĕ вăй илсех тăрать. ОЛЬГА ВАСИЛЬЕВА: «Эпĕ халь «Хур-кайăк çулĕ» балета хатĕрленетĕп, прическа тăватăп, грим сăрлатăп. Ăшша упраса хăварас тесе эпир çакăн пек пушмаксене тăхăнатпăр». Сцена хыçĕнче хăш чухне пăлхану та, кĕтмен пăтăрмах та сиксе тухма пултарать. Кăлтăксемпе çитменлĕхсем куракана спектакльпе киленме ан чăрмантарччĕр тесе вун-вун çын тăрăшать. Ӳнер асамне куракана парнелес тесе балет ăстисем ниме пăхмасăр кунĕн-çĕрĕн ырми-канми ĕçлеççĕ. «Чи кирли – чунра яланах хавхалану хуçлантăр. Вара спектакль тыткăнлатех», – палăртаççĕ артистсем. Юлия Адюкова, Павел Иритков
