Guest
Еўрарадыё і “Арт Сядзіба“ робяць усё магчымае, каб вы не сумавалі вечарамі ў нашыя цяжкія часы каранцінаў і самаізаляцыі. Апошнім часам мы адкрываем для вас маладых беларускіх выканаўцаў. І нам гэта падабаецца! 23 красавіка ў нас чарговы анлайн-канцэрт з серыі “Бяспечны LIVE“. Для тых, хто ў доміку, акустычны сэт грае LEAR. Каб трапіць на канцэрт, цяпер не трэба нікуды ісці. Ды і куды ты пойдзеш, калі ўсё паадмянялася праз каранавірус? Проста далучайцеся да стрыму на Youtube і ў Facebook. Пачатак у 20:30. Каранавірус не пакіне нас без канцэртаў!
