Guest
#Православие, #Христианство, #русскийсвятой, #святойвоин, #святойадмирал, #ПраведныйвоинФеодорУшаков, #житиясвятых, #житиеПраведногоФеодораУшакова, #ПраведныйФеодорСанаксарский, #ПраведныйвоинФеодорУшаковадмиралФлотаРоссийского, #святойфлотоводец, #историярусскогофлота Тропарь: Держа́ве Росси́йстей архистрати́г непобеди́мый яви́лся еси́, ага́ринскую зло́бу нивочто́же вмени́в и разори́в: не сла́вы мирски́я, ниже́ в бога́тства взыску́я, но Бо́гу и бли́жнему послужи́л еси́, моли́, свя́те Фео́доре, во́инству на́шему дарова́ти на враги́ одоле́ние, оте́честву во благоче́стии непоколеби́му пребы́ти, и сыново́м Росси́йским спасти́ся. Кондак: Архистрати́же Росси́йский, служи́телю наро́да Бо́жияго, ни́щих и угнете́нных свободи́телю, нечести́вых наказа́телю, поле́зное нам проси́ и ве́лию ми́лость, я́ко спобо́рник наш пра́ведне боля́рине Фео́доре. Моли́тва: О, пресла́вный и достохва́льный во́ине, флотово́дче Фео́доре, небе́сный на́ш заступниче и кре́пкий защи́тниче! Днесь, па́мять твою́ почита́юще, смире́нно мо́лим тя: вознеси́ о нас ко Го́споду Бо́гу те́плыя твоя́ моли́твы и испроси́ у Него́ оставле́ние все́х согреше́ний на́ших, имиже преогорчева́ем Его́. Умоли́ Го́спода дарова́ти нам ко Оте́честву на́шему любо́вь нелицеме́рную, мир и благоде́нствие Це́ркви на́шей Правосла́вней, всем же нам теле́сное здра́вие и душе́вное спасе́ние, христиа́нскую кончи́ну живота́ на́шего и до́брый отве́т на Стра́шнем Суде́ Его́. Ей, свя́тче Бо́жий, не посрами́ упова́ния на́шего, е́же на тя́ по Бо́зе и Богоро́дице возлага́ем, да, твои́ми моли́твами получи́вше благода́ть и ми́лость от Го́спода, просла́вим человеколю́бие Отца́ и Сы́на и Свята́го Ду́ха, и твое́ свято́е засту́пле́ние, ны́не и при́сно, и во ве́ки веко́в. Ами́нь.
