Guest
#Православие, #Христианство, #русскаясвятая, #новомученица, #мученицаТатианаГримблит, #мученицаТатьянаГримблит, #житиясвятых, #житияновомучеников, #житиемученицыТатианыГримблит, #житиемученицыТатьяныГримблит, #новомученикииисповедникиРоссийские, #новомученикииисповедникиЦерквиРусской, #СвятаямученицаТатианаГримблит Тропарь: Мироно́сицам жена́м в доброде́телех подража́ющи, в темни́цах и ю́зах су́щим усе́рдно послужи́ла еси́, и, о́браз ева́нгельскаго милосе́рдия нам показа́вши, за Христа́ му́ченическую смерть прия́ла еси́, Татиа́но пресла́вная. Ны́не, Бо́гу предстоя́щи, моли́ спасти́ся душа́м на́шим. Кондак: Сло́во Бо́жие се́рдцем твои́м восприе́мши, ми́ру распя́лася еси́, свята́я му́ченице Татиа́но, и, в служе́нии стра́ждущим Бо́гу угоди́вши, плод доброде́телей оби́лен пожа́ла еси́. Сего́ ра́ди бу́ди нам хода́таица и умоли́ Созда́теля всех, безпло́дие серде́ц на́ших исцели́ти, да принесе́м Ему́ плоды́ покая́ния, любо́вь, милосе́рдие и смире́ние. Молитва: О, свята́я му́ченице Христо́ва, Татиа́но! А́гнца Бо́жия непоро́чная а́гнице, целому́дрия голуби́це, неве́сто Христа́, Жениха́ твоего́! Ты́, во дни́ жития́ твоего́ мирски́я по́хоти презре́вши, па́че земны́х бла́г Го́спода возлюби́ла еси́ и во страда́ниих обрела́ еси́ небе́сный поко́й. При́зри ны́не с Небесе́ и ви́ждь, я́ко погиба́ем во обстоя́ниих и ско́рбех на́ших. К тебе́ прибега́ем и твоея́ ми́лости про́сим, не отве́ржи на́с, убо́гих ча́д твои́х, не иму́щих еле́я до́брых де́л, и на пу́ть покая́ния наста́ви. Помяни́ ста́рцы и ю́ныя, сироты́ и вдови́цы, ни́щия и убо́гия, в темни́цах и заточе́нии су́щия, неду́гующия и скорбя́щия, изря́днее же, гони́мыя ве́ры ра́ди Правосла́вныя. На́с же, ю́зами греха́ свя́занныя, разреши́ и ко спасе́нию ско́ро напра́ви, тебе́ бо даде́ся благода́ть моли́тися за ны́. Да, твои́м предста́тельством огражда́еми, дости́гнем Ца́рствия Небе́снаго, иде́же вси́ святи́и пребыва́ют, прославля́юще И́мя Пресвяты́я Тро́ицы, Отца́ и Сы́на и Свята́го Ду́ха во ве́ки веко́в. Ами́нь.
