Guest
«Цифрлы Қазақстан» бағдарламасы аясында облыста халықтың цифрлық сауаттылығын арттыру жөніндегі іс-шаралар қарастырылған. Бағдарлама міндеттерінің бірі– 2022 жылға қарай халықтың цифрлық сауаттылығы деңгейін 83%-ға дейін арттыру. Қазіргі уақытта Республика бойынша халықтың цифрлық сауаттылығының базалық деңгейі – 79,6%. Жыл соңына дейін 80%-ға дейін ұлғайту жоспарланған. «Цифрлық сауаттылық» термині қарапайым тілмен айтқанда – адамның күнделікті өмірде және жұмыста ақпараттық технологияларды білуі және қолдана білуі. Ол үшін осы жылы 17 маусымнан тамыз айының соңына дейін елдің әр өңірінде халықты оқыту ұйымдастырылатын болады (ақысыз негізде). Аудандар және Петропавл қаласының әкімдіктері адамдарды оқуға жазып, топтарды қалыптастыратын болады.
