Guest
Сёньня ў СІЗА Баранавічы знаходзіцца 13 палітвязьняў, якім пасьля падзей у Пінску 9-10 жніўня прад'явілі абвінавачаньне паводле ч. 2 арт. 293 Крымінальнага кодэксу (удзел у масавых беспарадках). Мы сустрэліся зь іхнымі сваякамі і спыталіся, што сёньня яны ведаюць пра затрыманых. 140-тысячны Пінск быў адным з гарадоў, дзе ў дзень галасаваньня пратэстоўцы змусілі сілавікоў адступіць. Сёньня падзеі 9-11 жніўня месьцічы ўспамінаюць як пратэсты за перамены, якія скончыліся катаваньнямі пінчукоў.
