Прыходзьце і працуйце: ці паверыць бізнес заклікам Лукашэнкі

Рыторыка чыноўнікаў і прапагандыстаў не змяняецца: санкцыі не толькі не працуюць, але нават даюць беларускай эканоміцы новыя магчымасці. Адначасова аднавіліся размовы пра падпісанне дарожных мап па паглыбленні інтэграцыі з Расіяй, а Лукашэнка звярнуўся да бізнесу з абяцаннем, што ніхто іх “кашмарыць” не збіраецца. Дык працуюць санкцыі ці не і як гэты працэс адбіваецца на беларускай эканоміцы і дабрабыце беларусаў? Што адбываецца ў банкаўскай сферы? На гэтыя ды іншыя пытанні адказвае акадэмічны дырэктар Цэнтра эканамічных даследаванняў BEROC Кацярына Барнукова.