Guest
2024 жылдың 19 наурызында Ұлыстың ұлы күні – Наурыз мейрамының қарсаңында мүмкіндігі шектеулі жандар мен кітапхана оқырмандарына арнап орталық кітапханасының оқу залының қызметкерлері мерекелік бағдарламасын өткізді. Іс-шара барасында арналып «Мәңгі жас, көне Наурыз» атты кітап шолуы безендірілді. Наурыз мейрамын көнеден ата-бабамыздың дәстүрі бойынша қалай атап өткендігі жайында көптеген мәлімет беріліп, Наурыздың қазіргі таңда қалай атап өтіліп жүргендігін естеріне түсірді. Мерекелік бағдарлама барысында Шахтинск Мәдениет Үйі әншілері мен бишілері өнер көрсетіп, музыкалық мектебінің оқушылары ұсынған ән шашулар, келген ақ жаулықты әженің құттықтау сөзі мен батасы тыңдалып, қызықты ұлттық ойындарымен мәресіне жетіп, келген қонақтар бір-біріне ізгі тілектер тілеп тарасты.
