На реках Вавилонских

Псалом 136 Дави́ду иеремíемъ. На рѣкáхъ Вавилóнскихъ, тáмо сѣдóхомъ и плáкахомъ, внегдá помянýти нáмъ Сióна: на вéрбiихъ посредѣ́ егó обѣ́сихомъ оргáны нáшя. Я́ко тáмо вопроси́ша ны́ плѣ́ншiи нáсъ о словесѣ́хъ пѣ́сней, и вéдшiи нáсъ о пѣ́нiи: воспóйте нáмъ от­ пѣ́сней Сióнскихъ. Кáко воспо­éмъ пѣ́снь Госпóдню на земли́ чуждéй? А́ще забýду тебé, Иерусали́ме, забвéна бýди десни́ца моя́. Прильпни́ язы́къ мóй гортáни мо­емý, áще не помянý тебé, áще не предложý Иерусали́ма, я́ко въ начáлѣ весéлiя мо­егó. Помяни́, Гóсподи, сы́ны Едóмскiя въ дéнь Иерусали́мль глагóлющыя: истощáйте, истощáйте до основáнiй егó. Дщи́ Вавилóня окая́н­ная, блажéнъ, и́же воз­дáстъ тебѣ́ воз­дая́нiе твоé, éже воз­далá еси́ нáмъ: блажéнъ, и́же и́метъ и разбiéтъ младéнцы твоя́ о кáмень