Туура келбейси деп бетиме эле айтышкан

Кастингге барганда “Сенин келбетиң эфирге туура келбейт”, “сен иштешиң керек экен” деген учурлар болгон. Ал учурда тишимдин өсүүсү кичине туура эмес багытта болчу. Кийин тишимди түздөттүм. Албетте, ал керек болчу. Бирок бетиме эле айтышкан “сенин келбетиң телевидениеге туура келбейт” деп. Башында мисалы, иш-чараларда бекер иштедим. “Мен алып берейин” деп. Ал жерден бирөө көрүп калат. Ал иш-чарасына чакырып, чалат. Анын иш-чарасынан дагы бирөө көрүп калат. Ушинтип отуруп акырындан-акырындан... Бекерден баштап 5000 сомго чейин деле алып бара берчүмүн. Алып баруучулукта кайрымдуулуктан баштадым. Бишкекте кайсы кайрымдуулук концерт болбосун мен барам. Мен алып барам. Мен ошол жакта. Мен бармын.