Guest
Рөлдерде: Арай Орақбаева, Ержан Жақсылықов, Сырым Қашқабаев, Сәрсен Сүлейменов, Сая Тоқманғалиева, Қуанышбек Мамытқалиев, Шәмшәгүл Меңдиярова, Шәміл Жүніс Фильмнің негізгі желісі ауылдан Астанаға оқуға түсуге келген жас қыз өмірінің 10 жылымен байланысты. Емтиханнан құлап, не істерін білмей отырғанында республика астанасы Ақмолаға көшірілетінін жаңалықтардан естиді. Болашағын Астанамен байланыстырғысы келіп, құрылысқа жұмысқа орналасады. Астананың алып құрылысына араласқан күннен бастап қыздың басынан шытырман, қызықты сәттер мен мөлдір мұңға толы күндер өте береді. Тұрақсыз махаббаттың құрбаны болып, тағдырдың таяғы маңдайына тисе де, адамдық қалыбын, ар - намысын аяққа таптатпаған басты кейіпкер фильм соңында елордадағы ірі құрылыс компаниясының директоры болып, бақытты өмірге қадам басады.
