Guest
Бишкекте Өчпөс отко гүлчамбар коюу расмий аземи өттү. Бишкек шаарынын мэри Эмилбек Абдыкадыров жана башка бийлик өкүлдөрү ардагерлерди Жеңиштин 78 жылдыгы менен куттукташты. Андан соң иш-чаранын катышуучуларына “Өлбөс полк“ жүрүшүнүн катышуучулары келип кошулуп, Өчпөс отко гүлчамбар коюшту. Бүгүн Бишкекте Улуу Ата Мекендик согуштагы Жеңиштин 78 жылдыгынын урматына көптөгөн иш-чаралар пландалган. Салтанаттуу иш-чаралар Ошто, Жалал-Абадда, Таласта, Балыкчыда, Баткенде, Нарында жана башка калктуу конуштарда өтүп жатат.
