Guest
Молитва Преподобному Антонию Великому. О, преподобне и богоносне Отче наш Антоние!Веруем,яко ты,предстоя престолу Пресвятыя Троицы,велие имаши дерзновение в молитвах ко Всемилостивому Господу Богу,Иже всегда послушает тебе,верного раба и угодника своего. Сего ради со умилением смиренно припадаем к тебе,святче Божий :не премолчи о нас молитися ко Господу Богу,в Троице покланяемому и славимому,да милостивно призрев на ны,не попустит нам погибнути во гресех наших,но да возставит падших,да подаст исправление злому и окаянному нашему житию,от грядущих грехопадений восхищая,и да простит нам вся,еликом согрешихом мыслию,словом и делом,от рождения до сего часа. Ты подвижниче добродетели,веси немощь и скорбь,времён настоящих,моли убо выну Христа Бога да николиже нас оставляет Его неизреченное милосердие,но да хранит нас от мирских искушений,от диавольских сетей и от плотских похотей,да приимем от него тобою и все потребная к жизни временной освобождение от бед и напастей и неослабное терпение до конца.
