Guest
ТӘУЕЛСІЗДІК МЕРЕКЕСІНЕ Алтыншаш Жақиянова, ақын. Тәуелсіздік, егемендік – ұраным, Шырқалатын көгімдегі жыр-әнім. Азат елдің туы мәңгі желбіреп, Тұрса егер, мен де аман тұрамын. Тәуелсіздік – егемендік, дербестік, Қатардағы елу елмен теңестік. Биік болсын Туы қазақ елімнің, Бодандықты жеңдік, міне, келмес қып. Аман болып, құт береке ел іші, Кеңи берсін қазағымның өрісі. Еліміздің үстем болса мерейі, Бұл, әрине, Тәуелсіздік жемісі. Бейбіт аспан дәлелдейтін көктігін, Көктем түстес желбіресін көк туым. Егемендік ел басында тұрғанда, Қазағымда уайым-қайғы жоқ бүгін. Көгенкөзге ашпай елім қақпасын, Енді ешқашан ойрандалып жатпасын. Егеменді туын ұстап елімнің, Жаңалыққа бұрсын дәйім ат басын. Алға тартып ар-ожданын, ұранын, Биігінде қалықтасын қыраның. Шуағыңды елге бөліп шаш енді, Көрсетпесін енді өмір сынағын. Қырандайын еркін ұшқан көгінде, Тәуелсіздік мәңгі орнасын елімде. Жайнай берсін егеменді еліміз, Гүлдер солып, тапталмасын жерімде. Ата-бабам армандаған еже
