Guest
Әсә йөрәге Тау-таштарҙы һал да бизмәнеңә, Бер яғына баҫтыр әсәйең. Ауыр таштар ҡалҡыр ҡомалаҡтай, Ҡымшанмаҫ та әсә, нишләйһең... Иң юғары хөрмәт әсәләргә, Хаҡ пәйғәмбәр әйтеп ҡалдырған. Балам, күҙ нурым тип, йоҡоһоҙ төндәр, Ике беләккәйен талдырған. Ҡыуанған ул теле сыҡҡанға, Ҡыуанған ул тәпәй баҫҡанға, Ҡыуанған ул тәүгә теле сығып Атай-әсәй тип ауыҙ асҡанға. Һай, афарин, улым егет булды, Ҡыҙым етте ҡыҙҙар ҡорона, – Атай-әсәй тағы хафалана, Бысраҡ яҡмаҫтармы моронға? Улыҡайым китте ил һағына, – Атай-әсәй ҡалды уфтанып, Биргән антын намыҫ менән үтәп, Ҡайтып төшһә икән маҡталып. Ҡыҙ оҙатты әсәй һандыҡ тейәп, Эсе тулы йыйған бирнәләр. Ҡунаҡ булып атай нигеҙенә Һәр саҡ кейәү менән килһәләр Ҡана һуң... Был Хоҙайҙың үҙе ҡушыуымы, Әллә заман шулай аҙҙымы, Әллә ахыр етеп, донъя халҡы Камил аҡылынан яҙҙымы? Атта түгел, күптәр машинала Ялбыр баштар менән елдерә, Загс, никах теркәү кәрәк түгел, Иманһыҙлыҡ халыҡты бөлдөрә. “Бисмилла” әйтеп ризыҡ ашамайбыҙ, Мәсеттәр буш, аяҡ баҫмайбыҙ, Китап-гәзит тулы доғалыҡтар, Ник
