Guest
О Дунедарӕг, Дӕумӕ дзурын: тагъддӕр мӕм ӕрцу. Куы Дӕм фӕкувын, уӕд-иу фехъус мӕ хъӕлӕс. Мӕ куывд фӕхӕццӕ уӕд Дӕ размӕ буды хӕрздӕфау; мӕ къухтӕ Дӕм куы сдарын, уӕд иу ӕй айс изӕры нывондӕн. О Дунедарӕг, уромӕг сӕвӕр ме ’взагӕн, мӕ комы дуар мын бахъахъхъӕн. Баххуыс мын кӕн, цӕмӕй мӕ зӕрдӕ мá аздӕха фыдӕхмӕ, ӕвзӕр митӕ чи кӕны, уыцы фыдлӕгты хъуыддӕгты архайаг мá уон; хорз сӕм цы кӕсы, уымӕй хай мá райсон. Уадз, мӕ а́зым мын зӕгъа рӕстгӕнӕг, уый – хорзӕх у; уадз ӕмӕ мын бауайдзӕф кӕна – уый хӕрздӕф зети у мӕ сӕрӕн, мӕхи дзы нӕ аиуварс кӕндзынӕн. Фӕлӕ мӕ кувын фыдлӕгты миты ныхмӕ у. Сӕ тӕрхоны лӕгтӕ ӕппӕрст ӕрцӕудзысты къӕдзӕхтӕй ӕмӕ уӕд бамбардзысты, мӕ ныхӕстӕ ахсджиаг кӕй уыдысты, уый. Ӕмӕ зӕгъдзысты: «Зӕхх куыд бахуым кӕнынц ӕмӕ йын йӕ къуыбӕрттӕ куыд фехалынц, афтӕ згъӕлынц не стджытӕ дӕр гом ингӕны былмӕ». Фӕлӕ мӕнӕн та Дӕумӕ у мӕ каст, мӕ Хицау Хуыцау; Дӕумӕ ссарын фи
