Ыр-ша коштолгон Бишкектеги балатынын отун жандыруу салтанаты

Жаңы жыл майрамына 15 күн калды. Борбор калаада жаңы жылдык балатынын отун жандыруу аземи өтүп, ал ыр-шаң менен коштолду. Бишкектеги балатынын отун жандыруу салтанатын көрүүгө шаардын жүздөгөн жашоочулары келди. Бийиктиги — 25, диаметри — 12 метрди түзгөн Жаңы жыл майрамынын символикасы бул жылы өзгөчөлөнүп жасалгаланган. Мындан тышкары, бул сапар ал мурдагы орнотулчу жерден башка жакка жылып, тагыраагы, аянттын түштүк тарабына, чоң фонтандын ордуна коюлду. Аянтка бүркүттүн, бугунун, жылкынын, коёндун инсталляциясын орнотуп, ири белгилер менен “2023“ сандарын жазышкан. Майрамдык маанайдан кабар берген салтанат концерт менен башталып, “Кыргыз руху“, “Сувенир“, “Семетей“ ансамблдери жана эстрада ырчылары концерт берди. Балатынын отун мэр Эмилбек Абдыкадыров жандырды. Ага 7 миң оюнчук жана 10 чакырым гирлянда тагылган.