Guest
За каментар у сацсетках на адрас старшыні Гомельскага аблвыканкама Генадзя Салаўя лідара культавага метал-гурта Gods Tower Уладзіслава Наважылава пакаралі трыма гадамі “хіміі“ з накіраваннем у папраўчую ўстанову. Музыка “накіравання ў папраўчую ўстанову” чакаць не стаў і з’ехаў з Беларусі. “Дзякуй Украіне за тое, што яна існуе, — выратавала. Дзякуй Літве, што прыняла”, — напісаў музыка 30 верасня на свай старонцы ў фэйсбуку. Чаму да апошняга цягнуў з ад’ездам? Якія прыгоды давялося перажыць на шляху да Вільні? Ці лягуць перажытыя за апошні год падзеі ў падмурак новага альбома Gods Tower? На гэтыя ды іншыя пытанні адказвае лідар метал-гурта Gods Tower Уладзіслаў Наважылаў.
