Guest
Сәтпаев қаласындағы тәртіпсіздік кезінде 50 полицей мен 14 қала тұрғыны зардап шеккен. Бұл туралы бүгін сот отырысында айтылды. Іс кәмелеттік жасқа толмағандар істері жөніндегі мамандандырылған ауданаралық сотта қаралуда. Себебі жаппай тәртіпсіздікке қатысқандардың үшеуі оқиға болған кезде 18 жасқа толмаған екен. Ал жауапқа тартылғандардың жалпы саны 54. Олардың барлығы бес жасар қыздың зорланғаны туралы хабарды ести сала көшеге шыққандар. Зардап шеккендердің бірқатары сот отырысына қатыса алмаған. Ал айыпталушылардың басым бөлігі бұған дейін сотталмаған көрінеді. Арасында жоғары білімді азаматтар да бар. Кейбіреулері уақытша жұмыссыз қалғандар. Сот алдында бірнеше қыз-келіншек те жауап берген. Бүгінгі отырыста іздеуде жүрген күдіктіге қатысты тағы бір айыптау қосылды. Ол тәртіпсіздік кезінде билік өкілдерімен жаға жыртысқаны үшін жауапқа тартылатын болады. Келесі отырыс 5 наурызда өтеді. Бүлдіршінді зорлау ісі де сотқа жіберілген. Ол бойынша 2 күдікті жауапқа тартылуда. Все новости Первого канала “Евразия“
