Guest
Хатын-кыз көче нидә? Гаилә бәхетен ничек сакларга? Бу хакта «Форсат» тапшыру герое Рәзилә Тарзимина сөйләр. Һөнәре буенча укытучы булса да, күңел кушуы буенча – төрле мәҗлесләр алып баручы ул. Аның әйтүенчә, бәхетнең иң зурысы, әлбәттә, әни булу. Тормыш иптәше белән ике бала үстергәннәр. Хәзер ике онык тәрбиялиләр. Барысы да диярлек иҗатка тартыла. Гаиләнең үз традицияләре, бәйрәмнәре бар, аларны матур итеп, үзебезчә татарча үткәрәбез, ди Тарзиминнар.
