Guest
Ни өсөн вики-өләсәйҙәргә рәхмәт әйтергә тейешбеҙ? 🤔 Һеҙ башҡорт вики-өләсәйҙәрен кем икәнен беләһегеҙме? Был - пенсияла булған һәм ейән-ейәнсәрҙәрен ҡарауҙан тыш, башҡорт Википедияһына мәҡәләләр тәржемә итеүсе, яҙыусы һәм мөхәррирләүсе аҡыллы ҡатын-ҡыҙҙар йәмғиәте. Улар авторҙарҙың халыҡ-ара конференцияларына барып, унда үҙҙәренең уңыштары һәм проблемалары хаҡында сығыш яһайҙар. 🫶 Уларҙың хоббиһы телгә ҙур йоғонто яһаны: донъя энциклопедияһының башҡорт секторы үҫте, шуға күрә беҙҙең туған телебеҙ No language left behind тип аталған донъялағы иң ҙур машина тәржемә проектына индерелде. Был берҙәм күп телле машина тәржемәһе моделе 200 телдә булған тексты бер-береһенә тәржемә итә ала. Элекке тәржемәселәр миҫал өсөн руссанан испан теленә тәржемә иткәндә, тәүҙә руссанан инглиз теленә, ә инглиз теленән испан теленә тәржемә итәләр ине. Ә NLLB-200 инглиз теленә тәржемә итмәйенсә, тура тәржемә яһай ала. 🫂 Был проекттың асыҡ коды башҡорт теле программистары-энтузиастарына был тәржемә моделдәрен ҡулланырға мөмкинлек бирә. Һәм беҙ бының өсөн шул уҡ вики-өләсәйҙәргә рәхмәт әйтергә теләйбеҙ! Рәхмәт һеҙгә, ҡәҙерлеләребеҙ! Уларҙың өлөшө тураһында тулыраҡ мәғлүмәтте Кали Новская, йәки Татьяна Олеговна Шаврина, филология фәндәре кандидаты, Рәсәй Фәндәр Академияһының Тел белеме институтының ҡулланма тел белеме, компьютер лингвистикаһы, тәбиғи телде автоматик эшкәртеү буйынса белгесе, стримда һөйләй - Вики-өләсәйҙәр хаҡында өлөштө түбәндә өҫтәнек 👇🏼
