УнчоFEST 2018

«Унчоfest» лагерь-семинар кином йӧратыше-влакым 2018 ийыште Морко районысо Унчо кундемыште чумырен. Тудо 12-15 июльышто эртен. Семинарыш Марий Элнан тӱрлӧ районжо гыч да тыгак Татарстан, Ханты-Мансийск автономном округ, Моско, Санкт-Петербург олала, Эстоний да Венгрий гыч 50 утла участник погынен. Семинар жапыште мастарлык-класс, кином да телепередачым ямдылыше эксперт-влак дене вашлиймаш, тренинг, лекций-влак эртеныт.