Guest
Тоқаев саяси реформалар жариялағанымен, оппоненттерін түрмеден шығаруға асығар емес. 2019 жылы саясаткер мен журналист Мамай партия құрам деп хабарлаған болатын. Содан бергі үш жылда саясаткер мен жақтастарына көрсетіліп жатқан қысым аяқталар емес. Заңсыз қамаулар, қоқан лоққы көрсету, азаматтық белсендінің бірінің тіпті көлігін де өртеп жіберген. Қаңтар оқиғасын еске алған азалы митингіге қатысқаны үшін 15 күнге қамалған Мамай 12 наурызда босап шығуы тиіс болған. Алайда саясаткерді босатпай, тағы екі айға қамады. Қазақстанда “Демократиялық партия“ құру жөніндегі бастамашыл топтың мүшесі, саясаткер Жанболат Мамайдың жары, журналист, құқық қорғаушы, саясаткер Инга Иманбаймен Демпартияның болашағы, Жанболат Мамайдың жағдайы мен Тоқаевтың жолдауына туралы әңгімелестік.
