Guest
Биыл барша Қазақстан халқы Абайдың 175 жылдығын атап өтеді. Ұлы ақынның мерейтойына орай Петропавлдағы Абай көшесі бойындағы аялдамаларда «Абайдың шығармалары» атты стендтер қойылған. Әр плакатта белгіленген QR-код арқылы қалалықтар ағартушы, философтың өлеңдері мен қара сөздерін ұялы телефонға жүктей алады. Осылайша, тұрғындар Абайдың шығармашығымен етене танысуға мүмкіндік алады. Алдағы уақытта қала әкімдігі мамандары QR-кодтары бар стендтерді шаһардың өзге көшелеріндегі аялдамаларға орнатуды көздеп отыр.
