Guest
Наурызбай аудандық ардагерлер кеңесінің мүшелері, сондай-ақ, белсенділері ауданда және қалада өтетін іс-шаралар мен түрлі спорттық сайыстарға әрдайым белсене қатысуда. Атап айтқанда, шахматтан, бильярдтан өткізілетін жарыстар, қалалық және аудандық спартакиадаларжәне т.б. түрлі сайыстарда жүлделі орындарды иеленіп жүр. Сонымен қатар, ауданда «Арай» хоры құрылып, іс-шаралар мен концерттерде өз өнерлерін халыққа паш етуде. Осылайша, ардагерлеріміздің салауатты өмір салтын ұстана білуі және аудандық іс-шараларда белсенді қатысуы бізді қуантады. Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы қаласы бойынша департаментінің бастамасымен Наурызбай ауданы әкімі аппаратының қолдауымен зейнет жасындағы қарттарымыз үшін қаланың көрікті жерлеріне экскурсиялар ұйымдастырылуда. Сонымен қатар, ағымдағы жылдың қазан айында, «Қарттар айлығы» мерекесіне орай, толықтай 1 ай бойы ардагерлер мен зейнеткерлерге айрықша көңіл бөлініп, қайырымдылық көмек көрсету жоспарланып отыр.
