Guest
Hay avə ⛈ Bıvo, boy ıştə ujən fikri məqordon hay avə, Qasti sardın bu sinəm, vəş qətə dardon hay avə. Qasti rosne nızıno ım çəşə arson, dəxısın- Yar omə hışkə roon, rə peqi qardon hay avə. Çoko nəm jəy, ısətən voşi perandoş, çı xose, Tojə vıl kaştəme, əy tov ni bə sardon hay avə. Bastəme bəştə vıli dıl, oməğət əy noqırə, Anədə orzuyonım dıldə nımardon hay avə. Jıqo voş voy, norohət bem, ənə tarsım dəvone, Tarsəbim az, bıbə sel, Vazəru pardon hay avə. Iştınən dıl purebən, çoknə ovardim, təyı kay, Mande çı Mirfəyazi dardisə dardon hay avə. Mirfayaz Likməkani #mirfayazlikmekani #tolışəzıvon #tolışon #talışlar #талыши
