СВЯЩЕННОМУЧЕНИК ИОАСАФ (ЖЕВАХОВ), ЕПИСКОП МОГИЛЁВСКИЙ.

#Православие, #Христианство, #русскийсвятой, #СвященномученикИоасафЖевахов, #новомученик, #житиясвятых, #житиеСвященномученикаИоасафаЖевахова, #житияновомучеников, #новомученикииисповедникиРоссийские, #новомученикииисповедникиЦерквиРусской, #житиеСвященномученикаИоасафаепископаМогилёвского, #СвященномученикИоасафепископМогилёвский, #СвященномученикИоасафЖеваховепископМогилёвский Тропарь: Церкве Русския столпе непоколебимый, благочестия правило, жития Евангельскаго образе, священномучениче Иоасафе, Христа ради пострадавый даже до крове, Егоже моли усердно, яко Начальника и Совершителя спасения, Русь Святую утвердити в Православии до скончания века. Молитва: О, избранниче и угодниче Христов, священномучениче Иоасафе, Церкве Русския столпе непоколебимый, земли нашея благое прозябение и красный плод, сродников твоих предстателю и наставниче! Ты во время гонения безбожнаго от сокровищницы души твоей спасительное исповедание Православныя веры изнесл еси и людем верным пастырь добрый явился еси, душу твою за Христа и Его овцы полагая и лютыя волки далече отгоняя. Ныне убо призри на нас, недостойных чад твоих, умиленною душею и сокрушенным сердцем тя призывающих. Умоли Господа Бога, да простит согрешения наша и избавит от адовых уз и вечнаго мучения. Утверди нас в вере святей, научи нас всегда творити волю Божию и хранити заповеди церковныя. Буди пастырем нашим правило веры, воином вождь духовный, болящим врач изрядный, печальным утешитель, гонимым заступник, юным наставник, всем же благосердый отец и теплый молитвенник, яко да молитвами твоими соблюдется в Православии Святая Русь и непрестанно славится в ней имя Пресвятыя Троицы, Отца, и Сына, и Святаго Духа во веки веков. Аминь.