Guest
«Сэһэргээ»: спорт үтүөлээх маастара Василий Егоров Саха чаҕылхай боксера Василий Егоров ахсынньыга спортка карьератын түмүктээтэ. Тиһэҕин Дьокуускайга «Вызов Севера» диэн профессиональнай бокс түһүлгэтигэр утарылаһааччытын филиппинец Джевен Вилласайты кыайан, ыалдьааччыларын үөртэ. Василий Саха Өрөспүүбүлүкэтин уонна Арассыыйа чиэһин 13 сыл устата аан дойду таһымыгар дьоһуннук көмүскээн, эрэллээхтик ааттатан кэллэ. Кини көрдөрөр чаҕылхай киирсиитэ, кылбар кыайыыта бүтүн саха омук сүргэтин көтөҕөрө, холобур буолара. Арассыыйа биэс төгүллээх, Европа икки төгүллээх чөмпүйүөнэ, аан дойду чемпионатын үрүҥ көмүс призера, Риоҕа ыытыллыбыт Олимпиада кыттыылааҕа Василий Егоровка Улус.Медиа редакцията инники олоҕор ситиһиилэри, дьолу-соргуну баҕарар. Чөмпүйүөн рингэҕэ бастакы тахсыытын, кыайыы үөрүүтүн, хотторуу кыһыытын билбит түгэннэрин аҕынна, инники былааннарын кэпсээтэ [club197321747|@ulusmedia] Источник: Улус.Медиа | Новости Якутии
