Guest
ЖАСТАР – ЖАҢҒЫРУ ЖАРШЫСЫ Астана қаласының 20 жылдығына орай, «Туған жерім – нұрлы елім» атты Мұғалжар ауданының күндері аясында аудан әкімі Ербол Данағұлов «Жастар – жаңғыру жаршысы» тақырыбында Қ.Жұбанов атындағы Ақтөбе мемлекеттік университетінде оқып жатырған мұғалжарлық студенттермен кездесті. Бұл кездесуге Қ.Жұбанов атындағы Ақтөбе мемлекеттік университетінің əлеуметтік жəне тəрбие жұмыстары жөніндегі проекторы Нұржан Бердыбаев қатысты. Мұғалжарлық студенттермен кездесу барысында аудан басшысы Ербол Жеткергенұлы ауданның бүгінгі әлеуметтік-экономикалық дамуы жолында атқарылып жатқан жұмыстар жайында мәліметтер бере отырып, студенттердің толғандырған сауалдарына жауап берді. Студенттік кездегі қызықты сəттерімен бөлісіп, мемлекеттік қызметке қалай келгендігі жайында, əкім болғанда ұстанатын негізгі ұстанымы туралы айтып берді. Сонымен қатар аудан әкімі Ербол Жеткергенұлы 6 мұғалжарлық студентке 20 мың теңге көмелінде ақшалай сертификат табыстаса, белсенділік танытқан 5 студентті Алғыс хатпен марапаттады.
