Ньурбаа аан манайгытын биатлон крээ буолан ааста.

Мельник күөлүгэр тэриллибит күрэххэ хайыһары таптааччылар мустан илин кэлин түстүлэр. Ньурба куорат төрүттэммитэ 25 сылыгар анаммыт тэрээһиннэр чэрчилэринэн биатлон күрэҕэр уопсайа 24 киһи кыттыыны ылла. Тэрийээччилэринэн Ньурба куорат дьаһалтата итиэннэ республикатааҕы лазертаг ассоциацията буоллулар. Ассоциация чилиэттэрэ күрэҕи тэрийэргэ 4 комплект сааны аҕаллылар. Күрэх иннинэ кыттааччыларга саанан хайдах ытарга сиһилии көрдөрөн биэрдилэр. Сааһынан наардаан уопсайа 6 сүүрүү буолла. Кыттааччылар биатлоҥҥа маҥҥнайгыларын холоноллор диэтэххэ бэртээхэй түмүктэри көрдөрдүлэр. 9 кылаас үөрэнээччитэ Алексей Фадеев хайыһарынан дьарыктаммыта үһүс сыла. Биатлон буолаары турара эрдэттэн биллэр буолан күннэтэ дьаныардаахтык дьарыктанан бастыҥ көрдөрүүлэнэн кыайыы өрөгөйүн биллэ.