Асны ахада Бадра Гынба аьаымпыласы ыш Нестор Цужба диылеит

Аԥсны ахада Бадра Гәынба аԥқьаҭымпыласҩы қәыԥш Нестор Цужба диԥылеит. Аҳәынҭқарра ахада аспортсмен Австриеи Лиуксембурги имҩаԥысуаз жәларбжьаратәи атурнирқәа рҿы иигаз аиааирақәа идиныҳәалеит. Иара уаҟа аӡәаӡәалатәи аразриади ҩыџьа-ҩыџьалатәи аразриади рҿы чемпион наӡас дҟалеит, ҳәа аанацҳауеит аҳәынҭқарра ахада ипресс-маҵзура. Атәыла ахада Аԥсны жәларбжьаратәи аренаҿы аӡыргаразы аԥқьаҭымпыл иамоу аҵак ду азгәеиҭеит, аспортсмен қәыԥш иԥсадгьыл қәҿиарала хаҭарнакра ахьазиуз азы ҭабуп ҳәа иеиҳәеит. Бадра Гәынба аԥқьаҭымпыласҩы Владислав Арӡынба ихаҿсахьа зну агәаларшәагатә аԥсар ҳамҭас ииҭеит, ԥхьаҟагьы Аԥсны абираҟ даҵагыланы дықәгылалап ҳәа агәыӷра шимоу азгәеиҭеит. Нестор Цужба 13 шықәса рҟынӡа зхыҵуа еидызкыло Урыстәыла еизгоу акоманда далахәуп, Москватәи аклуб “Спартак“ аҿы Урыстәыла зҽаԥсазтәыз азыҟаҵаҩ Александр Злотоустови Анастасиа Мыскинеи рнапхгарала иҽазыҟаиҵоит. Source: Sputnik А?сны