Guest
О, достохвальный Мучениче Воине Евгение! Имея пред собою Образ Подвигоположника Христа укрепился и ты, святе, на совершение подвига во спасение души твоея и во славу и честь Церкви Божией, пример добрый юношам и девам показуя и своею юною кровию грехи многия искупая. Не остави и нас во умилении к тебе прибегающих и с надеждою просящих крепости и утверждения во Святем Православии. Укрепи естество наше в преодолении обстояний житейских от Бога во вразумление нам ниспосланных для очищения от зловредной пагубы греха. Отврати нас от прелестей земных и всего развращающаго и на погибель ведущаго. Во дни расколов губительных вдохни в нас силу противустати ересям и прельщениям мира сего. Да к тебе всегда взирающе и тобою наставляеми прославим Пресвятую Троицу Отца и Сына и Святаго Духа. Аминь!
