Аати абаа аакыраы имаысуа асуа культура афестиваль Аpsua Code акыс иамоу аты арадио Sputnik аефир аны еиалеит Асу

Аҟәатәи абаа аҵакыраҿы имҩаԥысуа аԥсуа культура афестиваль Аpsua Code ҵакыс иамоу атәы арадио Sputnik аефир аҟны еиҭалҳәеит Аԥсуа ҳәынҭқарратә музеи аҭҵаарадырратә усзуҩ еиҳабы Инга Шамԥҳа. Аетнолог лажәақәа рыла, Аԥсны адоуҳатәи аматериалтәи культура аларҵәара иазырхоу амҽхак ду змоу апроект автор Сана Ҭарԥҳа дымҩақәылҵон, абжьгарақәа лылҭон. Нанҳәамза 24 рҟынӡа Аҟәатәи абаа аҵакыраҿы имҩаԥысуеит аԥсуаа ретнокультуратә кодекс иазку афестиваль. Апрограмма Аpsua Code аинтерактивтә ҟазшьа амоуп – ара иҟоуп ахәыҷқәа рзы амилаҭтә орнаментқәа зцу ашәыгақәа, арԥшьшьаразы амастер-классқәа, ахысразы амастер-классқәа, аԥсуышәала аинтерактивтә урокқәа. Аиҿкааҩцәа Нарҭаа репос шьаҭас иҟаҵаны, амифқәа рҟынтәи ихадоу аперсонажцәа ахьаадырԥшуа ахәмарра еиқәдыршәеит. Аԥшьгамҭа автор Сана Ҭарԥҳа. Инеиҵыху аиҿцәажәара шәаҳар шәылшоит Sputnik Аԥсны асаит аҟны. Source: Sputnik А?сны